№ 11 колледж МКҚК директоры: Сасбұқа Ержігіт Сапарұлы
1961 жылы 13 қаңтарда туылған. 1978 жылы Шымкент педагогика институтының физика факультетіне түсіп, 1983 жылы жалпы техникалық пәндер, физика және еңбек пәнінің мұғалімі бойынша бітіріп шыққан. Еңбек жолын Сарыағаш ауданындағы С.Сейфуллин орта мектебінде физика пәнінің мұғалімі болып бастаған. 1989 жылдан Қазығұрт ауданындағы училищеге мұғалімдікке ауысып, 2002 жылдан бері кәсіптік лицейдің директоры болып қызмет атқарып келеді. Сасбұқа Ержігіт Сапарұлы жаңашылдығымен, ізденімпаздығымен ұжым мүшелерін ынтымақтаса еңбек етуге және жоғары жетістіктерге жетуге өз ұжымын соңынан ерте білетін қабілетті басшы.
Еңбегі еленген басшы Қазақстан Республикасы президентінің алғыс хатымен, « Нұр Отан» ХДП дипломымен, грамотасымен, Білім министрлігінің Құрмет грамотасымен, Облыстық білім басқармасы Алғыс хатымен, аудан әкімінің Алғыс хатымен марапатталған.
Тұртаев Байдалы Тұрдалыұлы
1961 жылы 10 тамызда Ленин ауданына қарасты Қосағаш елді мекенінде дүниеге келді. Қазақтың Еңбек Қызыл ту орденді ауыл шаруашылығы институтының инженер-педагог мамандығын бітіріп, 1983 жылы Қазығұрт селосындағы №30 кәсіптік техникалық училищеге өндірістік оқыту шебері болып қабылданды. Ұстаздық қызметін жақсы атқарғаны үшін аудандық құрмет тақтасында 1986 жылы ұсынылды.
1989 жылы «Таңдаулы өндіріс шебері» байқауына қатысып бірінші орын алғаны үшін бағалы сыйлықтармен, дипломмен марапатталған. 1991 жылы директордың бұйрығымен арнайы пән мұғалімі болып ауыстырылды. 1999 жылы ұстаздық қызметінен көпшілік ұстаздардың қолдауымен, Облыстық білім басқармасының ұсынысымен №11 кәсіптік мектеп оқу ісі жөніндегі орынбасары қызметіне тағайындалды. Қазіргі таңда директордың өндірістік оқу ісі жөніндегі орынбасары болып қызмет атқаруда.
Мақсұтов Талғат Қоңырұлы
1966 жылы 14 сәуірде бұрынғы Ленин ауданы, Ленин селосында қарапайым отбасында дүниеге келген. Қазығұрт ауданының, Қазығұрт селосында Қ.Сәтбаев атындағы орта мектепті 1982 жылы бітірді. 1984-1986 жылы әскери борышын өтеп келді. Әл-Фараби атындағы Қазақ ұлттық Мемлекеттік университетін бітіріп, география мамандығын алды.
Еңбек жолын аудандық пионерлер үйінде туризм және өлкетану методисті болып бастады.1989 жылы Т.Рысқұлов атындағы орта мектебінде география пәні мұғалімі болып ауысты. 2002 жылы « Дарын» мектеп-интернатына география пәні мұғалімі ретінде шақырылды. 2003 жылы педагог- психолог қызметін атқарды. 2004 жылы Облыстық білім департаментіне қарасты Үздіксіз білім беру институнына география пәні әдіскері қызметіне шақырылды. 2005 жылы аталған институтта « Ақпараттық технология, болжамдау, сараптау кабинетінің» меңгерушісі қызметіне тағайындалды. 2007 жылы Қазығұрт ауданының «Дарын» мектеп-интернаты мемлекеттік мекемесіне директор болып тағайындалды. №11 Кәсіптік лицей директорының тәрбие жұмыстары жөніндегі орынбасары қызметін атқаруда.
Пралиев Қуанышбек Расылбекұлы
1979 жылдың 26 сәуір күні Оңтүстік Қазақстан облысы,Қазығұрт ауданы Қазығұрт ауылында дүниеге келген. 1996 жылы Шымкент қаласындағы Агро-өнеркәсіп колледжінің «техника механика» факультетіне түсіп, 1999 Агротехникалық колледжінің «техник-механик» мамандығын жақсы деген көрсеткішпен бітіріп шыққан. 2000 жылы Қазығұрт ауданындағы № 11 кәсіптік техникалық мектепке өндіріс шебері болып қабылданып, 2000 жылы Түркістан қаласындағы Ө.Жәнібеков академиясының «тарих-география» мұғалімі мамандығы бойынша оқуға түскен. Ал 2001 жылы № 11 кәсіптік мектебінің директорының бұйрығымен жатақхана тәрбиешісі болып ауыстырылған. 2005 жылы Астана қаласында орналасқан Қазақстан-Ресей университетінің «тарих-география мұғалімі»мамандығын бітіріп шығып, 2006 жылы № 11 кәсіптік мектебінің тарих-география пәнінің мұғалімі болып ауыстырылған. 2008 жылы Топ жетекшілер бірлестігінің жетекшісі қызметіне тағайындалып, қазіргі таңда директордың оқу-ісі жөніндегі орынбасары болып қызмет атқарады.
Ешбердиев Жақай Жақанұлы
1969 жылы 6 қазан күні Шымкент облысы, Ленин ауданы, Ленин елді мекенінде дүниеге келді. 1987 жылы мектепті бітіріп, Ленин ауданындағы СПТУ- 94 кәсіптік мектебіне оқуға түсіп, 1988 жылы аяқтады. 1988-1990 жылы әскери қызметте болды. 1990-1991 жылдары Жұлдыз кооперативінде жұмыс істеді. 1991-1992 жылдары Шымкент автосервис қызметінде жұмыс істеді. 1992-1995 жылдары Қазығұрт ауылы әкімшілігінде есепші-кассир қызметінде жұмыс істеді.1995-2007 жылдары « Абилдаева и К» фирмасында жұмыс істеген. 2000 жылы Ө.Жәнібеков атындағы Гуманитарлық академиясына оқуға түскен, 2005 жылы Қазақ-Ресей университетінің тарих және география мамандығы бойынша оқыды. 2007 жылы №11 кәсіптік лицейіне жұмысқа орналасты. Аталған оқу орнында тәрбиеші, өндіріс шебері қызметтерін атқарды. Қазіргі таңда директордың шаруашылық ісі жөніндегі орынбасары қызметінде.
Кенжетаева Жазира Имашқызы
1974 жылы 1 каңтарда Қазығұрт ауданы, Алтынтөбе совхозының 1- мамыр елді мекенінде дүниеге келді. 1991 жылы мектеп бітіріп, бір жыл сауыншы болып жұмыс істеді. 1992 жылы Қазақ- Араб институтына түсіп, толық курсын 1994 жылы «Үздік дипломға» аяқтап шықты. 1994 жылы Аудан әкімшілігіне хатшы болып жұмысқа орналасты.1995 жылы ақпан айында осы кәсіптік мектепке араб тілі пәнінің мұғалімі болып жұмысқа қабылданды. АҮББ университетіне 3- курстан сырттай бөлімге оқуға қабылданып, қазақ тілі және әдебиеті пәнінің мұғалімі мамандығын да алды. Содан бері осы лицейдің қазақ тілі және әдебиеті пәнінің оқытушысы болып қызмет атқарды. Қазіргі таңда осы колледждің әдіскері болып қызмет атқаруда.