Среда, 27 сентября, 2023
Последние:
- Түркістан облысы білім басқармасының 18.09.2023жылғы №28-08-08/7026 шығыс хатына сәйкес Еңбек күнін мерекелеу мақсатында: Еңбек күнін мерекелеуге арналған іс-шара бағдарламасы түзіліп, сол бағдарлама аясында мереке өткізілді. Осы мақсатта Социалистік Еңбек Ері, Қазығұрт ауданының Құрметті азаматы Төле Ағабеков және Қазығұрт ауданының Құрметті азаматы Оңғар Райымбеков ағамыз, сонымен қатар ардагер ұстаздарымыз Нұрлан Айнабеков, Қалдыбай Наушабеков ағаларымызбен кездесу ұйымдастырылды. Студенттермен кездесу колледжіміздегі Төле Ағабеков пен Оңғар Райымбеков ағаларымыздың атына берілген кабинетте өткізілді. Ағаларымыз өмір жолымен, жасаған қызметтерін студенттермен бөлісіп, өзара пікір алмасты. Колледжіміздің директоры Е. Сасбұқа сөз алып, осы ағаларымыздың жетістігі мен елімізге сіңірген еңбектерін тізбелей келе, студенттерімізге ағаларымыздай азамат болуға өз мамандығының иесі атанып, елімізге адал қызмет етуге үндеді.Сонымен қатар директордың тәрбие ісі-жөніндегі орынбасары Т.Мақсұтов сөз сөйлеп, директордың оқу ісі жөніндегі орынбасары Қ. Пралиев баяндама оқыды. Еңбек күнін мерекелеуге арналған іс-шара колледждің акт залында өз жалғасын тапты. Колледжіміздің студенттері әсем ән мен көркем би сыйлап, қонақтарымызға керемет көңіл-күй сыйлады.
- Бүгін №11 колледж мекемесінде 1 — Қыркүйек білім күніне арналған арнайы салтанатты іс шара аталып өтілді. Аталған шара Қазақстан Республикасының мемлекеттік гимнімен ашылып, оқу орнының директоры Е.Сасбұқа және ұстаздар барша студенттерді білім күнімен құттықтап, жастарды білімге, еңбек сүйгіштікке және еліміздің алдыңғы қатарлы азаматтары болуға шақырды.
- 2023 жылы 28 шілдеде Түркістан облысы адами әлеуетті дамыту басқармасына қарасты «№11 колледж» МКҚК-ның әдістемелік кабинетінде сыбайлас жемқорлық тәуекелдерін ішкі талдаудың алдын ала қорытындыларын талқылау бойынша ашық жиналыс өтті. Жиналысқа жұмыс тобының мүшелерінен басқа оқытушылар, қамқоршылық кеңес мүшелері, аудандық жастар ресурстық орталығының директоры С. Қыпшақбаев, №11 колледж ата-аналар комитетінің төрайымы Сапаркүл Киікбайқызы қатысты. Жиналыс барысында тиісті талдамалық анықтама дайындай отырып, сыбайлас жемқорлық тәуекелдерін ішкі талдаудың алдын ала қорытындылары талқыланды.
- ХАЛЫҚАРАЛЫҚ КОНКУРС! Тәуелсіз мемлекеттер достастығының Сыбайлас жемқорлыққа қарсы іс-қимыл жөніндегі мемлекетаралық кеңесінің қолдауымен «Сыбайлас жемқорлыққа бірге қарсымыз!» атты Сыбайлас жемқорлыққа қарсы әлеуметтік жарнаманың кезекті жыл сайынғы халықаралық жастар байқауы өтіп жатыр. Байқауға 14 пен 35 жас аралығындағы жастар сыбайлас жемқорлыққа қарсы күрес туралы өз идеялары мен көзқарастарын, сондай-ақ оның рөлі мен осы бағыттағы халықаралық ынтымақтастықтың маңыздылығын көрсете отыра, «Сыбайлас жемқорлыққа қарсы бірге!» тақырыбында конкурстық жұмыстар дайындауға шақырылады. Халықаралық конкурстың ережелері https://www.anticorruption.life/ ресми сайтында қолжетімді. Байқау аясында екі номинация — «Үздік постер» және «Үздік бейнеролик» бойынша жұмыстар 2023 жылдың 1 қазанына дейін қабылданады. Конкурстың қорытындысы 9 желтоқсан — Халықаралық сыбайлас жемқорлыққа қарсы күрес күніне орай шығарылады. Байқауға қатысуға Түркістан облысының барлық белсенді жастарын шақырамыз
- ТҮРКІСТАНДЫҚ КОЛЛЕДЖ ПЕДАГОГІ ҚЫМЫЗ БАЛМҰЗДАҒЫН ЖАСАП ШЫҒАРАДЫ 🥛№11-ші колледжінде «Тамақтандыруды ұйымдастыру» мамандығы бойынша дәріс беретін педагог Жадыра Байдалы қымыздан балмұздақ пен сабын жасап шығарды. 🎯Жаңа жобаның мақсаты — ұлттық балмұздақтың биологиялық құндылықтарға бай және адам ағзасына пайдалы екенін дәлелдеу. Қымыз балмұздағының басқалардан айырмашылығы отта дайындалады және оның құрамы өзгермей, табиғи құндылығын сақтайды. 💬«Біздің нарықта ұлттық өнімдер, оның ішінде қымыз өнімдерінің түрлері аз екенін байқауға болады. Балмұздақ жастарға да, балаларға да ұнайды. Қоспасыз биоөнімдер денсаулыққа да пайдалы», — дейді Жадыра Байдалы. 🚹Педагогтың айтуынша, сусынның құрамында түйіршікті ақуыздар бар, ол адам денсаулығына пайдалы табиғи иммундық қасиеттерге ие. Сонымен қатар, Жадыра емдік пайдасы бар саумал қосылған сабын шығара бастады. Жобаны мемлекет қолдайтын болса, эко өнімдерді болашақта Қазақстанның өзге өңірлері мен шетелге экспорттауды жоспарлап отыр.
«№11 колледж»
мемлекеттік коммуналдық қазынашылық кәсіпорын